ဒီမိုကရေစီနှင့်ရွေးကောက်ပွဲအကယ်ဒမီသည် နိုင်ငံသားများအတွက် နိုင်ငံရေး ဗဟုသုတ များတိုးတက်ရန်၊ ဒေသအတွက်အရည်အသွေး ပြည့်ဝသည့်နိုင်ငံသားများ ပေါ်ပေါက်လာရန်နှင့် နိုင်ငံသားများနိုင်ငံရေးတွင် ပါဝင်မှုတိုးတက်လာရန်အတွက် PACE မှ သင်ကြားပို့ချသော သင်တန်းများဖြစ်ပါသည်။

တစ်နိုင်ငံလုံးအတိုင်းအတာဖြင့် ရွေးကောက်ပွဲဖြစ်စဉ်တစ်ခုလုံး (ကာလရှည်နှင့်ကာလတို) ကိုစောင့်ကြည့်လေ့လာပြီး ရွေးကောက်ပွဲ ဖြစ်စဉ်၏ အဆိုးအကောင်း တွေ့ရှိချက်များကို တိတိကျကျဖော်ထုတ်သည်။ ပွင့်လင်းမြင်သာမှု၊ တာဝန်ယူမှု တာဝန်ခံမှု နှင့် ပြည်သူ အားလုံးပါဝင်မှုကို မြှင့်တင်နိုင်မည့် ရွေးကောက်ပွဲပြုပြင်ပြောင်းလဲရေးအတွက် အကြံပြုချက်များ နှင့် အစီရင်ခံစာများထုတ်ဝေသည်။

တစ်နိုင်ငံလုံးအတိုင်းအတာဖြင့် လူထုသဘောထားအမြင်စစ်တမ်းများကောက်ယူရာတွင် နိုင်ငံတကာအသိအမှတ်ပြု စာရင်းအင်းနည်းအရ ကျပန်းနည်းဖြင့် ရွေးချယ်သည့်နည်းလမ်းကို အသုံးပြုပါသည်။ အဓိကအားဖြင့် သတင်းမီဒီယာများတွင် ပြောခွင့်ဆိုခွင့် အခွင့်အရေးနည်းပါး သည့် နိုင်ငံသားများ၏ အသံများ၊ သဘောထားအမြင်များကို စုစည်းပေးခြင်းဖြစ်ပါသည်။

နိုင်ငံရေးဖြစ်စဉ်စောင့်ကြည့်လေ့လာမှု အစိုးရသက်တမ်းအတွင်း လုပ်ဆောင်ချက်များနှင့် ပတ်သတ်၍ လွှတ်တော်များ၏ ပွင့်လင်းမြင်သာမှု၊ ပြည်သူလူထုအပေါ် တာဝန်ယူမှု တာဝန်ခံမှု မြင့်တင်ရန်အတွက် ပြည်သူလူထု နှင့် အရပ်ဘက် အဖွဲ့အစည်းများမှ စဉ်ဆက်မပြတ်စောင့်ကြည့်လေ့လာခြင်း ဖြစ်သည်။